chota sa tohfa

Yaad aaye mujhko woh chamchamati shaam,
woh hontho pe chalakte hansi k jaam,
sharm ankhon mein aur dil mein hulchul,
solah shringarr, woh khushi k pal,
bandh gaye hum tum prem k bandhan se...
aur saj duniya meri nayi umangon se,
din guzre, raatein biti, bite kai saal,
bhaa gaya mujhko tera mohabbat ka jaal,
khil uthe bagiche mein phool do anmol,
adaa na kar pau apki chahat ka mol,
shukriya tera, bahut tera shukriya,
vivaah k 6 saal jo saath nibhaya,
chalta rahe humara yeh safar umar bhar,
khushiyon se pyar se, ek duje ke bharose par....